सत्तारुढ नेपाल कम्युनिस्ट पार्टी नेकपाका वरिष्ठ नेता झलनाथ खनाल नेतृत्वको कार्यदलले मिलेनियम च्यालेन्ज कर्पोरेसन (एमसिसी) यत्तिकै पारित नगर्न सुझाव दिएको छ । कार्यदलले एमसिसीका केही बुँदा संशोधन गर्न सुझाव दिँदै प्रतिवेदन बुझाउन लागेको हो । प्रतिवेदन आजै साँझ अध्यक्षद्वय केपी शर्मा ओली र पुष्पकमल दाहाल ‘प्रचण्ड’लाई बुझाउन लागिएको छ ।

नेकपाको माघ १९ गते बसेको केन्द्रीय कमिटी बैठकले एमसीसी अनुदान प्रस्तावबारे अध्ययन गर्न कार्यदल गठन गरेको थियो । कार्यदलले १० दिनको समय पाए पनि प्रतिवेदन तयार नभएपछि १० दिन लिएर प्रतिवेदन बुझाउन लागेको हो ।

प्रकाशित समय १७:२६ बजे