सेयर बजार परिसूचक नेप्से सोमबार ३३ अंकले बढ्दा १२२ कम्पनीका लगानीकर्ताले कमाएका छन् । म्युचुअल फन्डबाहेकका सबै समूह उकालो लागेपछि समग्र बजार परिसूचक ३३.२७ अंकले बढेर १२९८.७३ अंकमा उक्लिएको छ ।

सबैभन्दा धेरै होटल समूह ५.५ प्रतिशतले बढेको छ भने निर्जीवन बिमा ४.९८, अन्य ४.२६, लघुवित्त ४.३ र जीवन बिमा ३.५४ प्रतिशतले बढेको छ । १७६ कम्पनीको २७ लाख ३१ हजार ४९८ कित्ता सेयर ९२ करोड ७८ लाख रूपैयाँबराबरमा किनबेच भएको छ ।

सोमबार १२२ कम्पनीको सेयर मूल्य बढ्दा १० कम्पनीको मूल्यमा सकारात्मक सर्किट लागेको छ । ग्लोबल आइएमई लघुवित्त, नेपाल रिइन्स्योरेन्स कम्पनी, सूर्योदय लघुवित्त, ग्रामीण विकास लघुवित्त, युनाइटेड इन्स्योरेन्स कम्पनी, स्वदेशी लघुवित्त, सिद्धार्थ इन्स्योरेन्स, आशा लघुवित्त, तारागाउँ रिजेन्सी होटल र ओरियन्टल होटलको सेयर मूल्य सर्वाधिक बढेको हो ।

नेपाल रिइन्स्योरेन्स कम्पनीको सर्वाधिक १४ करोड ५३ लाख रूपैयाँबराबरको सेयर कारोबार भएको छ । यो कम्पनीको मूल्य चार कारोबार दिनमै करिब सय रूपैयाँ बढेको छ । बुधबार ३४४ रूपैयाँबाट कारोबार सुरु भएकोमा सोमबार ४४० रूपैयाँ पुगेको हो ।

आइतबार सेयर बजार ९.३५ अंकले बढेको थियो भने एक अर्ब ३ करोडको कारोबार भएको थियो ।

प्रकाशित समय १७:०९ बजे