नेपालमा शुक्रबार थप ११८ जनामा कोरोनाभाइरस संक्रमण फेलापरेको छ । यससँगै बिहीबारसम्म १६ हजार ५३१ जना संक्रमित रहेकोमा कुल संक्रमित संख्या १६ हजार ६४९ पुगेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।

शुक्रबारसम्ममा सफल उपचार हुनेको संख्या ८ हजार ११ पुगेको छ । शुक्रबार थप १२० जना निको भएर घर फर्किएका हुन् । हालसम्म क्वारेन्टिनमा २३ हजार ९१० जना छन् भने आइसोलेसनमा ८ हजार ६०३ जना छन् ।

धनकुटा, भोजपुर, सोलुखुम्बु, मनाङ, मुस्ताङ र हुम्ला कोरोनामुक्त भएको मन्त्रालयले जनाएको छ ।

प्रकाशित समय १६:२६ बजे