पर्साको बहुदरमाई नगरपालिकाका प्रमुख नितेन्द्र प्रसाद साहसहित थप ५४ जना कोरोनामा संक्रमण पुष्टि भएको छ । नारायणी अस्पतालको पीसीआर ल्याबमा गरिएको पछिल्लो परीक्षणमा थप ५५ जनामा कोरोना संक्रमण देखिएको अस्पतालले जनाएको छ । थपिएका संक्रमितमध्ये बिहीबार राति मृत्यु भएको वीरगञ्ज महानगरपालिका- ३, छपकैयाका ७४ वर्षीय पुरुष पनि रहेका छन् ।

संक्रमितमध्ये पर्साको बहुदरमाई नगरपालिकाका नगरप्रमुख ४० वर्षीय नितेन्द्र प्रसाद साह पनि रहेका छन् । ८ महिला रहेका संक्रमितहरु २० वर्षदेखि ७४ वर्ष उमेर समुहका रहेका छन् । संक्रमितमध्ये २ दुगड ग्रुपका कर्मचारी, नेपाल आर्मीका एक जना कर्मचारी र नारायणी अस्पतालको ल्याबमा कार्यरत एक जना कर्मचारी रहेका पनि छन् ।

शनिबार थपिएका संक्रमितहरुमध्ये केही मास ट्रेसिङमा परेका, केही कन्ट्याक्ट ट्रेसिङमा परेका र केहीले स्वेच्छाले आफ्नो पीसीआर परीक्षण गराएका रहेको नारायणी अस्पतालका मेडिकल सुपरिन्टेन्डेन्ट डा. मदनकुमार उपाध्यायले बताए । थपिएका संक्रमितमध्ये ३ जना बारा जिल्ला र १ जना सर्लाही जिल्लाका रहेका छन् । बाँकी सबै वीरगञ्ज महानगरपालिकासहित पर्साका अन्य स्थानीय तहका रहेका मेसु उपाध्यायले जानकारी दिए ।

संक्रमितहरु मध्ये एक जना वीरगञ्ज महानगरपालिका वडा नं. ४ विर्ताकी एक २२ वर्षीय युवती, वडा नं. ७ रेशमकोठी का एक २२ वर्षीय पुरुष, एक जना वीरगञ्ज वडा नं. ९ की ६० वर्षीय महिला, वडा नं. १० का एक जना २२ वर्षीय महिलासहित २४ ३७, ५०/५० वर्षीय गरि ४ जना पुरुष रहेका छन् । त्यसैगरी वडा नं. ११ श्रीपुरका एक ३७ वर्षीय पुरुष र एक ५० वर्षीय महिला गरी २ जना रहेका छन् । वडा नं. १२ मुर्लीका एक ४९ र एक ६० वर्षीय २ पुरुषमा पनि कोरोना संक्रमण देखिएको छ ।

त्यस्तै वीरगञ्ज महानगरपालिका वडा नं. १६ नगवाका २४ वर्षका २, ३८ र ५० वर्षका एक/एक गरि वर्षीय गरी ४ जनामा कोरोना संक्रमण पुष्टि भएको छ । पर्साको विश्रामपुर हेल्थ पोस्थमा गरिएको कन्ट्याक्ट ट्रेसिङमा परेका ८ जना, नगरदाहा हेल्थ पोस्टको कन्ट्याक्ट ट्रेसिङमा परेका एक जना, बहुदरमाई नगरपालिका भावाराटारका ४ जना, बैरियाका २ जना, बहुवारी पिडारीका ४ जना रहेका छन् ।

बारा जिल्लाको मनरहवाका ४० वर्षीय पुरुष, कलैया उपमहानगरपालिका वडा नं. १० का ३१ वर्षीय पुरुष र भलुही भरवालियाका ३० वर्षीय पुरुष संक्रमित भएका छन् सर्लाही जिल्लाका एक १६ वर्षीय पुरुष पनि संक्रमपत भएका छन् ।

प्रकाशित समय १२:०५ बजे