ग्लोकल आफ्टर स्कुलले दक्षिण एसियाली युवा महोत्सव २०२० आयोजना गरेको छ । ग्लोकलले अगस्ट १२ गते अन्तर्राष्ट्रिय युवा दिवसको अवसर पारेर दक्षिण एसियाली युवा महोत्सव घोषणा गरेको हो ।

अगस्ट १२ देखि तीन हप्ता चल्ने महोत्सव विभिन्न प्रतियोगिताका विजेताहरुको घोषणसँगै सेप्टेम्बर ३ तारिकका दिन समापन हुनेछ । सहभागिताका लागि आवेदन १२ अगस्टबाटै सुरु भइसकेको छ । यो कार्यक्रम दक्षिण एसियाली संस्थाहरुको समायोजनमा गर्न लागिएको हो । युनिसेफ– रोसा, युनेस्को, ए२१ क्याबिनेट डिभिजन बंगलादेश, यूएनडिपी, नेसनल युथ काउन्सिल नेपाल, सिवाइडिए इन्डिया, सिवाइएन श्रीलंका, पिनाकल कन्सल्टेन्सी प्रा. लि. माल्दिभ्स, डायनामिक युथ अफगानिस्तान, माल्दिभ्स नेसलन युथ काउन्सिल, कोकाकोला, टर्किस एयरलाइन्स र साउथ–साउथ नेटवर्क यसमा आबद्ध छन् ।

महोत्सवअन्तर्गत सहभागीले विभिन्न सीपमा आधारित कुशल कार्यशाला, रचनात्मक प्रतिस्पर्धा एवं प्यानल छलफल जस्ता विभिन्न गतिविधिमा निःशुल्क भाग लिन पाउनेछन् । महोत्सवमा दक्षिण एसियाली देशहरूबाट १४(२४ वर्ष उमेरका युवा भाग लिन पाउनेछन् ।

दक्षिण एसियाली युवा महोत्सव २०२० दक्षिण एसियाली देशका युवालाई जम्मा गर्न, उनीहरूसँग जोड्न, साझेदारी गर्न र उनीहरूको दृष्टिकोण जान्न र यी समूहबीचको बलियो सम्बन्धलाई अभिव्यक्त गर्ने उद्देश्यले आयोजना गरिएको हो । महोत्सव अनलाइन आयोजित भइरहेको छ । महोत्सवको सुरुवात दक्षिण एसियाली देशहरूका सरकार, राष्ट्रिय र अन्तर्राष्ट्रिय प्रतिनिधि तथा प्रेरणादायक युवाको ओपनिङ प्यानलबाट भएको थियो ।

प्रकाशित समय १२:३७ बजे