गण्डकी प्रदेशमा बिहीबार थप १७ जनामा कोरोना संक्रमण पुष्टि भएको छ । प्रदेशका  चार जिल्लाअन्तर्गत नवलपुरमा ८, लमजुङमा २, तनहुँमा ४ र कास्कीमा ३ जनामा कोरोना संक्रमित पुष्टि भएको स्वास्थ्य निर्देशनालय गण्डकीका निर्देशक डा. विनोदविन्दु शर्माले जानकारी दिए ।

कास्कीको पोखरा महानगरपालिका ३० का ५० वर्षीया महिला र पोखरामा कार्यरत दुई पर्यटक प्रहरीमा कोरोना संक्रमण पुष्टि भएको छ । त्यसैगरी नवलपुरमा विनय त्रिवेणीका ४ महिला र २ पुरुष, देवचुलीका १ महिला र १ पुरुष, लमजुङ मर्स्याङ्दीका एक महिला र बेँसीसहरका एक पुरुष, तनहुँको शुक्लागण्डकीका २ र व्यासका २ जना पुरुषमा कोरोना पुष्टि भएको उनले बताए ।

नवलपुर र लमजुङमा १ जनामा कोरोना पुष्टि भएको छ । संक्रमित सबैमा कन्ट्याक ट्रेसिङबाट कोरोना देखिएको हो । गण्डकी प्रदेशमा अहिलेसम्म २ हजार २२ जनामा कोरोना संक्रमण देखिएको छ । त्यसमध्ये १ हजार ६ सय ७६ जना निको भएका छन् भने ९ जनाको मृत्यु भएको छ ।

प्रकाशित समय १२:५९ बजे