गृहपृष्ठ कविता : जागरण
कविता : जागरण
दु:खका पर्वत बनिसकेछन् अब पग्लिनुपर्छ
हिमालयबाट अब त पक्कै गंगा बहनुपर्छ ।
आज यो पर्खाल मानौँ पर्दाझैँ हल्लिरहेछ,
पक्कै पनि यसको अब जग हल्लिनुपर्छ ।
हर सडक, हर गल्ली, हर नगर र गाउँबाट
हात हल्लाउँदै लाश सहरतिर चाल्नुपर्छ ।
मात्र हंगामा मच्चाउनु मेरो उद्देश्य हैन,
सारा कोशिस यो छ कि अनुहार बदल्नुपर्छ ।
मेरो छातीमा नभए तिम्रो छातीमा सही
जहाँ होस् त्यो आगो, अवश्य आगो बल्नुपर्छ ।
कवि दुश्यंत कुमारको जागरण कविताको भावानुवाद
उमेश आचार्य – धनकुटा
प्रकाशित समय १४:४९ बजे
