भारतमा कोरोना भाइरसबाट संक्रमित हुनेको संख्या सोमबारसम्ममा ८२ लाख २९ हजार नाघेको छ ।

पछिल्लो २४ घण्टामा ४५ हजार नयाँ संक्रमित थपिएको भारतीय स्वास्थ्य मन्त्रालयले जनाएको छ । मन्त्रालयका अनुसार वितेको २४ घण्टामा थप ४९३ जनाको मृत्यु भएको छ । संक्रमितमध्ये करिब ७५ लाख ४४ हजार ७९८ व्यक्ति संक्रमणमुक्त भएका छन् । त्यस्तै हालसम्म कोरोनाबाट एक लाख २२ हजारभन्दा बढीको मृत्यु भएको छ । भारतमा केही दिनदेखि नयाँ संक्रमित र मृत्यु दरमा निरन्तर कमी आएको छ ।

गत २४ घण्टामा भारतमा ५३ हजार २८५ जना कोरोना मुक्त भएका छन् । भारतमा हाल पाँच लाख ६१ हजार सक्रिय संक्रमित रहेका छन् । भारतको महाराष्ट्र राज्य सबभन्दा बढी प्रभावित राज्यको रुपमा रहेको छ । यहाँ एक लाख २५ हजारभन्दा बढी सक्रिय संक्रमित रहेका छन् । त्यसपछि दोस्रो स्थानमा केरला रहेको र यहाँ ८९ हजार ७८३ जना सक्रिय संक्रमित रहेका  छन् ।

प्रकाशित समय १५:४५ बजे