पैसा नभएको खाताको चेक दिएर झुक्याउने सत्यनारायणप्रसाद रौनियार जेल परेका छन् । उच्च अदालत पाटनले २०७५ चैतमै गरेको ४५ दिनको जेल सजाय र ७० लाख रूपैयाँ जरिवानासहितको फैसला कार्यान्वयनका लागि पर्सा जिल्ला अदालतमा पेस गरिएको हो ।

रौनियारलाई काठमाडौंको रातोपुलमा लुकिछिपी बसिरहेको अवस्थामा पक्राउ गरी फैसला कार्यान्वयनका लागि पर्सा जिल्ला अदालतमा पेस गरिएको केन्द्रीय प्रहरी अनुसन्धान ब्युरोले जनाएको छ ।

पीडितहरू मन्दीपकुमार थापा र सन्तोषकुमार चौधरीको जाहेरीमा रौनियारलाई बैंकिङ कसुर मुद्दामा अदालतले २०७५ चैतमा फैसला गरेको थियो । साविक वीरगन्ज नगरपालिका ८ हालको वीरगन्ज महानगरपालिका ६ माईस्थान बस्ने ५८ वर्षीय रौनियारलाई दुई फरक फैसलाले ४५ दिन कैद र ७० लाख जरिवाना हुने ठहर गरेको थियो ।

प्रकाशित समय १२:५१ बजे