चितवनको भरतपुरमा निर्माणाधीन गौतम बुद्ध अन्तर्राष्ट्रिय क्रिकेट रंगशालाका लागि ललितपुरको अल्का अस्पताल २५ लाख रुपैयाँ सहयोग गरेको छ । रंगशाला निर्माण स्थलमा पुगेर अल्का अस्पतालका अध्यक्ष कुमार थापाले धुर्मुस‑सुन्तली फाउन्डेसनलाई २५ लाख रुपैयाँ प्रदान गरेका हुन् ।

फाउन्डेसनका सीताराम कट्टेल ‘धुर्मुस’ले थालेको एकल अभियानमा सहयोगी हातका रुपमा उभिन पाउँदा खुसी लागेको थापाले बताए । त्रिभुवन विश्वविद्यालयको स्वामित्वमा भरतपुर १६ मा रहेको कृषि तथा वन विश्वविद्यालयको जग्गामा रंगशाला निर्माण भइरहेको छ ।

रंगशाला निर्माणका लागि ३ अर्ब लागत अनुमान गरिएको छ । २० बिघा ६ कठ्ठा क्षेत्रफलमा निर्माण हुने रंगशाला ३० हजार दर्शक क्षमताको हुनेछ । रंगशालासँगै अभ्यासका लागि दुईवटा छुट्टै अभ्यास मैदान पनि बन्ने फाउन्डेसनले जनाएको छ ।

प्रकाशित समय ०७:२७ बजे