नेपाल विद्युत प्राधिकरण सर्लाही बरथवा वितरण केन्द्रमा कार्यरत इलेक्ट्रिसियन मनोजकुमार पाण्डेविरुद्ध अख्तियार दुरुपयोग अनुसन्धान आयोगले विशेष अदालत काठमाडौँमा मुद्दा दायर गरेको छ । अख्यिारले उनीविरुद्ध ८ हजार बिगो रकम दाबीसहित मुद्दा दायर गरेको हो ।

विद्युत मिटरको क्षमता वृद्धि गर्ने प्रयोजनका लागि ८ हजार घुस लिएको पुष्टि भएकाले उनीविरुद्ध मुद्दा दायर गरिएको अख्तियारका सहायक प्रवक्ता वेदप्रसाद भण्डारीले जानकारी दिए । भ्रष्टाचार निवारण ऐन २०५९ को उपदफा (१) को कसुर गरेको देखिएकाले सजायको मागदाबीसहित मंगलबार अदालतमा आरोपपत्र दायर गरिएको अख्तियारले जनाएको छ ।

प्रकाशित समय २०:१५ बजे