फेसबुकका संस्थापक मार्ग जुकरवर्ग सबैभन्दा कम उमेरमा अरबपति बन्न सफल भएका थिए । उनको नाम हालसम्म पनि सबैभन्दा कम उमेरमा अरबपति बन्न सफल युवाको रुपमा अंकित छ । तर, यसलाई तोड्न चाहान्छन् काइली जेनरका फ्यान ।

को हुन् काइली ?
काइली जेनर एक रियालिटी टिभी स्टार तथा मोडेल हुन् । फोब्र्सले काइलीलाई आफ्नै मेहनतले धनी बन्ने महिलाको सूचीमा २७ औं नम्बरमा राखेको छ । काइलीको आफ्नै कस्मेटिक ब्रान्ड छ । त्यसैगरी उनको कमाईको अर्काे स्रोत हो सोसल मिडिया एकाउन्ट, टिभी कार्यक्रम । त्यसैगरी विज्ञापन पनि उनको कमाईको राम्रो स्रोत हो ।

कति छ सम्पत्ति ?
काइलीसँग अहिले ९० करोड डलर बराबरको सम्पत्ति रहेको जनाइएको छ । त्यसमा १० करोड थप भएपछि उनी अरबपति बन्नेछिन् । तर, यो १० करोड रुपैयाँ उनले निकै छोटो अवधिमा काउनु पर्नेछ यदि उनी जुकर्वर्गको रेकर्ड तोड्न चाहान्छिन् भने ।

अन्यथा जुकरवर्गले राखेको रेकर्ड तोड्न सम्भव देखिएको छैन । अन्तर्राष्ट्रिय मिडियाले जनाएअनुसार यो उनले ३ वर्षको अवधिमा जम्मा गरेको सम्पत्ति हो । यही दरमा उनको सम्पत्तिमा वृद्धि भएमा काइलीका फ्यानको लक्ष्य हासिल हुन सक्छ । तर उनका फ्यान काइलीलाई विश्वकै कम उमेरमा अरबपति बनाउन चाहान्छन् । यसका लागि काइलीका फ्यान योजनाबद्ध रुपमा लागेका छन् ।

तर, कसरी ?
भर्खरै फोर्ब्सले काइलीको फोटो आफ्नो कभर पेजमा प्रकाशित गरेको छ । तर, फोब्र्सले काइलीको फोटो कभर पेजमा राखेकोप्रति मिश्रित प्रतिक्रियाहरु आए । धेरैले पत्रिकाको आलोचना गरे ।
यो आलोचना काइलीका फ्यानलाई मन पर्ने कुरा थिएन र मन परेन पनि ।

आलोचना आउन थालेपछि काइलीका फ्यानले उनलाई कम उमेरकी अरबपति बनाउन अभियान चलाए । ‘गो फन्ड मी’ काइलीका फ्यानले उनलाई कम उमेरकी अरबपति बनाउन चलाएको अभियान हो । यसका माध्यमबाट फ्यानले काइलीको नाममा रेकर्ड राख्न डोनेसन गर्ने अभियान चलाए । फ्यानहरुले यसका लागि अपिलसमेत गरेका छन् ।

अरबपति बन्दा जुकरवर्ग कति वर्षका थिए ?
विश्वमै सबैभन्दा कम उमेरमा अरबपति बन्न सफल मार्क जुकरवर्ग फेसबुकका संस्थापक हुन् । उनी जम्मा २३ वर्षको उमेरमा अरबपति बन्न सफल भएका थिए ।
काइली कति वर्षकी भइन् ?

काइली अहिले २० वर्षकी भइन् । जुकरवर्गले २३ वर्षको उमेरमा अरबपति हुँदै रेकर्ड कायम गरेका थिए । अर्कातर्फ काइलीले तीन वर्षको समयमा ९० करोड डलर कमाएको अन्तर्राष्ट्रिय सञ्चारमाध्यमले जनाइरहेका छन् ।

यस्तोमा उनले कम उमेरमा अरबपति बन्ने सम्भावना छ । यसका साथै उनका फ्यानहरुले समेत काइलीलाई यो लक्ष्य हासिल गर्न मद्दत गर्दैछन् । सबैभन्दा कम उमेरमा अरबपति बन्ने रेकर्ड आफ्नो नाममा दर्ता गर्न सक्लिन् ? त्यसका लागि केही समय पर्खनु पर्छ । तर, अन्तर्राष्ट्रिय सञ्चारमाध्यमको विश्लेषण हेर्दा त्यस्तो सम्भावना बढी देखिन्छ ।

प्रकाशित समय १४:२६ बजे