बेलहिया– आठ वर्ष अगाडि सुरु गरिएको बुटवल ६ लेनका सडक शुरुमा नै आर्थिक समस्याका कारण पुरा हुन सकिएको थिएन, अवस्था अहिले पनि उहि छ । प्रयाप्त बजेट नहु“दा निर्माण अवधि टाढिएको छ । आगामी भदौसम्म सडक विस्ता पुरा गर्ने लक्ष्य लिए पनि पुरा हुने सम्भावना भने कम दखिन्छ । अब पनि यस्तै चाल हुने हो भने आयोजनाको काममा अवरोध आउने आयोजनाका इन्जिनियर योगेन्द्र अधिकारीले बताए । बुटवलको तीन किलोमिटर र भैरहवासम्मको निर्माण गर्न अझै २ अर्ब लाग्ने देखिएको छ । आगामी आर्थिक वर्षको बजेटमा सरकारले माग अनुसारको बजेट बिनियोजन गरेमात्रै अवको पा“च महिनामा सडक बिस्तार सकिने उनले बताए ।

आर्थिक वर्ष २०७३/0७४ मा ७२ करोड रूपैया“ चालु आर्थिक वर्षमा ५८ करोड मात्रै बिनियोजन भएको छ । यस मध्ये ५० करोड खर्च भैसकेको अधिकारीले बताए । बजेटस“गै नदीजन्य सामग्रीको समेत अभाव झेलिरहेको छ । अझै २ लाख ५० हजार घनमिटर्र आवश्यक रहेको नदीजन्य पदार्थ जिल्ला समन्वय समितिले करिव ७० हजार घनमिटर मात्रै उत्खनन्को अनुमति दिएको छ । अझै १ लाख ८० हजार घनमिटर नदीजन्य सामाग्री आवश्यक रहेको उनले बताए ।
२४ किलोमिटर सडक मध्ये अब १०.८ किलोमिटर सडक कालोपत्रे गर्न बा“की छ । भलवारीदेखि पत्थरडा“डासम्म कालोपत्रेको काम भैरहेको, त्यस्तै मणिग्रामदेखि मंगलापुरसम्मको काम पनि तीव्र रुपमा अगाडि बढेको अधिकारीले बताए ।
२०६६/०६७ मा सुरु भएको यस सडक मार्ग विस्तार तीन वर्षमा सक्ने लक्ष्य लिइएको थियो । तर काम तीव्र गतिमा अघि बढ्न सकेन । अव पनि दुई अर्व रुपैया“ बजेट बिनियोजित भएमात्र आगामी भदौ या असोजसम्म सकिने छ । उक्त बजेट बेलहियादेखि ७५० मिटर बाईपास सडक बिस्तारका लागि समेत हो । ५ अर्व ८६ करोड लागतको ६ लेन सडकका लागि अहिलेसम्म ३ अर्व ८५ करोड रुपैयाँ खर्च भैसकेको  उनले बताए ।

प्रकाशित समय १९:१९ बजे