कञ्चनपुरकी १३ वर्षीया बालिका निर्मला पन्तको बलात्कारपछि हत्या गर्ने हत्यारालाई कारबाहीको माग गर्दै सिंहदरबार अगाडि प्रदर्शन भएको छ ।  हत्या भएको दुई महिना बढि हुँदा पनि हत्यारा पक्राउ नगरेको भन्दै अधिकारकर्मीले सिंहदरबार अगाडी प्रदर्शन गरेका हुन् ।

प्रदर्शनमा सहभागीले गृहमन्त्री रामबहादुर थापाको राजीनामा माग गर्दै चर्को नारा लगाएका थिए । उनीहरुले उच्चस्तरीय समितिले तयार पारेको प्रतिवेदन समेत सार्वजनिक गर्न माग गरेका थिए ।

सिंहदरबार बाहिर गृहमन्त्री रामबहादुर थापाको राजीनामा माग गर्दै प्रदर्शन चलिरहँदा सिंहदरबार भित्र नेकपा नेकट विद्यार्थी संगठनले भने आइजीपी सर्वेन्द्र खनालको राजीनामा माग गर्दै गृहमन्त्रीलाई ज्ञापनपत्र बुझाएका थिए ।

यो पनि पढ्नुस्

अनेरास्ववियुले माग्यो आइजीपी खनालको राजीनामा

प्रकाशित समय १३:४२ बजे