तिमीले छोड्यौ ?

`अँ मैले छोडे !´

के छोड्यौ ?

`छोड्न हुने नहुने दुवै छोडेँ !´

अब तिमी के हौ ?

`द्रष्टा, मात्र एक दर्शक ।´

मतलब ?

`आँखा छ, टुलुटुलु हेर्छ

तर देख्दैन,

मुख छ, मनमनै बर्बरिन्छ

तर ध्वनि तरंग सुनिँदैन,

अन्तरमनमा मन-मुटु

टिल्पिल-टिल्पिल उजेलिन्छन्

तर सल्बल-सल्बल बग्दैनन् ।´

थाहा छ तिमीलाई ?

दिमाग पनि छ तर नसोच्ने

सबै इन्द्रियहरु निष्काम-निष्काम,

त्यसैले म बुद्धु

अर्थात्

बुद्ध !´

प्रकाशित समय १३:०२ बजे