त्रिभुवन शिक्षण अस्पतालमा अनसनरत वरिष्ठ चिकित्सक गोविन्द केसीका मागप्रति ऐक्यबद्धता जनाउँदै प्रमुख संचारमाध्यमका सम्पादकहरुले सम्बोधन गर्न सरकारसँग माग गरेका छन् ।
विज्ञप्ति जारी गर्दै उनीहरुले चिकित्सा शिक्षा सुधारका लागि डा. केसीले यस अघि राखेका मागमा सरकारले सहमति गरेर पनि कार्यान्वयन नगर्दा १५औं अनशन बस्नुपरेको उल्लेख छ । पटक–पटकको लामो अनशनले केसीको जीवन संकटमा परेको भन्दै उनका माग सम्बोधन गर्न सम्पादकहरुले सरकारसँग माग गरेका हुन् ।

‘पटक–पटकको अनशन र लम्बिदो उपक्रमले डा. केसीको जीवन नै संकटमा परेको छ । हामी डा.केसीको सत्याग्रहप्रति ऐक्यबद्धता जनाउँछौ । साथै उहाँका माग अविलम्व सम्बोधनका लागि जोडदार माग गर्दछौ ।’ विज्ञप्तिमा उल्लेख छ ।

कान्तिपुर, अन्नपूर्ण पोष्ट, नयाँ पत्रिका, नागरिकलगायत विभिन्न अनलाइन पोर्टलका सम्पादकहरुले विज्ञप्तिमा हस्ताक्षर गरेका छन् ।

प्रकाशित समय ०७:०५ बजे