हुम्लाका स्थानीय तहले पनि गत वर्षका लागि विनियोजन भएको सबै बजेट खर्च गर्न नसकेको  पाइएको छ । कर्णाली प्रदेश सरकारले अन्तरसरकारी अख्तियारीअन्तर्गत हुम्लाका लागि गत वर्ष २०७६/०७७ मा उपलब्ध गराएको चालू र पुँजीगततर्फको बजेटमध्ये औसत ६६.३७ प्रतिशत बजेटमात्र खर्च गरेका हुन् ।

हुम्लाका सात स्थानीय तहले चालूतर्फ ६५ करोड ६४ लाख २ हजार ८३ र पुँजीगततर्फ १ अर्ब ३६ करोड ६५ लाख ८३ हजार ५७८ रुपैयाँ बजेट प्राप्त गरेका हुन् । सातै स्थानीय तहहरूले चालूतर्फ ४९ करोड ९३ लाख ७२ हजार २१८ रुपैयाँ खर्च गरेका छन् भने पुँजीगततर्फ ८६ करोड ३२ लाख ३ हजार ९६१ रुपैयाँ खर्च भएको छ ।

प्रदेश सरकारबाट प्राप्त भएको बजेटमा चालूतर्फ ७३.०३ प्रतिशत र पुँजीगततर्फ ६३.१७ प्रतिशत खर्च भएको कोष तथा लेखा नियन्त्रण कार्यालयका कोष नियन्त्रक नरेशरा भट्टले जानकारी दिए । उनका अनुसार औसत बजेट खर्च ६६.३७ प्रतिशत हो ।

प्रकाशित समय ११:०६ बजे