गत शुक्रबारदेखि हिजो मंगलबारसम्म शुक्रबार तोकिएकै मूल्यमा कारोबार हुँदै आइरहेको सुनचाँदीको नयाँ मूल्य आज बुधवार तोकिएको छ ।

बुधवार सुनको मूल्य एक सय रुपैयाँले घटेको नेपाल सुनचाँदी व्यवसायी महासंघले जनाएको छ । आज छापावाल सुन प्रतितोला ९५ हजार एक सय रुपैयाँमा कारोबार भइरहेको छ । शुक्रबार छापावाल सुन प्रतितोला ९५ हजार २ सय रुपैयाँ कायम भएको थियो । शुक्रबार ९४ हजार ७ सय रुपैयाँ कायम भएको तेजावी सुन बुधवार ९४ हजार ६ सय रुपैयाँ कायम भएको छ ।

आज चाँदीको मूल्यमा भने सामान्य वृद्धि भएको छ । आज चाँदी १० रुपैयाँले वृद्धि भई प्रतितोला एक हजार २३० रुपैयाँमा कारोबार भइरहेको छ ।

प्रकाशित समय १२:२४ बजे