सेयर बजार परिसूचक बढ्ने क्रमले बुधबार पनि निरन्तरता पाएको छ । साताको पहिलो दिन आइतबार सामान्य घटेर सोमबारदेखि बढ्न थालेको नेप्से तीन दिनमा २२ अंकभन्दा धेरै बढेको हो ।

बुधबार नेप्सेमा सूचीकृत १० उपसमूहमध्ये बैंक र विकास बैंकबाहेकका सबै समूह ओरालो लागे पनि समग्र बजार परिसूचक २.०१ अंकले बढेर ११६५.८४ अंकमा पुगेको छ । बैंक समूह ४.५३ र विकास बैंक समूह ६.११ अंकले बढेको छ ।

नेप्से परिसूचकसँगै कारोबार रकम पनि उकालो लागेको छ । बुधबार १७० कम्पनीको २० लाख २९ हजार १५ कित्ता सेयर ५४ लाख ५८ हजार रुपैयाँ बराबरमा किनबेच भएको छ । यो रकम मंगलबारको तुलनामा करिब साढे ४ करोड धेरै हो । मंगलबार ५० करोडबराबरको सेयर कारोबार भएको थियो ।

बुधबार नेपाल इन्स्योरेन्स कम्पनी, कनकाई विकास बैंक, लक्ष्मी इक्विटी फन्ड, स्वदेशी लघुवित्तलगायत कम्पनीका लगानीकर्ताले बढी कमाएका छन् । १०७ कम्पनीको कारोबार भएको बजारमा ७२ कम्पनीका लगानीकर्ताले कमाएका छन् ।

प्रकाशित समय १५:२९ बजे