गृहपृष्ठ नेप्सेमा दोहोरो अंकको वृद्धि, ९ अर्बको कारोबार

नेप्सेमा दोहोरो अंकको वृद्धि, ९ अर्बको कारोबार

धितोपत्र बजारमा सेयर कारोबार मापक नेप्से परिसूचक आज पनि दोहोरो अंकले बढेको छ । नेपाल स्टक एक्सचेञ्जका अनुसार लगातार उकालो लागेको नेप्से झण्डै २९ अंकले वृद्धि हुँदा कारोबार रकमसमेत झण्डै नौ अर्बको हाराहारीमा पुगेको छ ।

आइतबार झण्डै ७५ अंकले बढेको नेप्से आज २८.७९ अंकले वृद्धि हुँदा एक हजार ९९७.०५ मा पुगेको छ । यस्तै, ठूला कम्पनीको सेयर कारोबार मापन गर्ने सेन्सेटिभ परिसूचकसमेत १.६३ अंकले बढेर ३८५.५६ मा पुगेको छ । कूल १९८ कम्पनीको दुई करोड ५१ लाख ९१ हजार ३१९ कित्ता सेयर आठ अर्ब ८६ करोड ७७ लाख १४ हजार ६८२ मूल्यमा खरिदबिक्री भए ।

स्टकका अनुसार, आज कारोबार भएका कूल १२ उपसमूहमध्ये चार उपसमूहको सेयर ओरालो लागेको छ भने आठ उपसमूहको सयर भने उकालो लागेको छ । बैंकिङ ७.३८, विकास बैंक ४८.१४, वित्त ५.४१ र सामूहिक लगानी कोष ०.१३ अंकले घटेको छ । यस्तै व्यापार १५१.०७, होटल ४.९६, जलविद्युत् ८९.२३, निर्जीबन बिमा १९३.०४, उत्पादन ७३.६३, अन्य ४०.२८, लघुवित्त ३७.६ र जीवन बिमा ८२३.३६ अंकले उकालो लाग्यो ।

कारोबार भएका कम्पनीमध्ये आज नेपाल लाइफ इन्सुरेन्स कम्पनी शीर्ष स्थानमा रहेको छ । सो कम्पनीको ३८ करोड ४८ लाख ८६ हजार ७७२ बराबरको कारोबार भयो ।

नेपाल पुनर्बिमा कम्पनी ३७ करोड ३४ लाख ११ हजार १०९, प्रभु बैंक ३६ करोड ७१ लाख ३९ हजार ९३६, नेपाल बंगलादेश बैंक ३३ करोड ३३ लाख २७ हजार ७८४, ग्लोबल आइएमई बैंक २७ करोड दुई लाख ३२ हजार २१३, नेपाल इन्भेस्टमेन्ट बैंक २४ करोड ८६ लाख चार हजार ५२५, नेपाल बैंक  २४ करोड ६० लाख ७५ हजार, नबिल बैंक २२ करोड ९७ लाख १३ हजार १४० र एनएमबी बैंक २२ करोड ५४ लाख ४१ हजार बराबरको कारोबार भई शीर्ष स्थानमा रहे ।

आज कारोबार भएका कूल कम्पनीमध्ये ११० कम्पनीको सेयर उकालो लाग्यो भने ५६ कम्पनीको सेयर ओरालो लाग्दो छ कम्पनीको सेयरमा भने कुनै परिवर्तन भएन । स्टकका अनुसार, युनाइटेड मोदी १०, माथिल्लो तामाकोशी ९.८०, ग्रिन डेभलपमेन्ट बैंक ९.७०, नेपाल ब‌ंगलादेश बैंक ९.६९, साञ्जेन जलविद्युत् कम्पनी ९.६२, रसुवागढी हाइड्रोपावर ९.६१, नेपाल लाइफ इन्सुरेन्स कम्पनी ९.४४, साल्ट ट्रेडिङ कर्पोरेसनका लगानीकर्ताले ९.१७ प्रतिशतले कमाए ।

त्यसैगरी विशाल बजार कम्पनी १०, बोटलर्स नेपाल तराई ५.४२, लुम्बिनी विकास बैंक ४.१०, गरिमा विकास बैंक ३.७९, प्राइम बैंक ३.७७, श्री इन्भेस्टमेन्ट बैंक ३.६७, नेपाल एसबीआई बैंक ३.४४, महालक्ष्मी विकास बैंक ४.३७ र पोखरा फाइनान्सका लगानीकर्ताले ३.३२ प्रतिशतले गुमाए ।

आजको वृद्धिसँगै कूल बजार पूँजीकरण भने २६ खर्ब ७६ अर्ब ५२ करोड ४५ लाख ६० हजार ७९० बराबर पुगेको छ । नेप्से र कारोबारमा उच्च अंकले भइरहेको वृद्धिका कारण कूल बजार पूँजीकरणसमेत झण्डै २७ खर्ब बराबर पुगेको हो ।

प्रकाशित समय १८:४७ बजे

प्रतिक्रिया दिनुहोस्

सम्बन्धित शीर्षकहरु