सेयर बजार परिसूचक नेप्सेले आइतबार २४२४ अंक पार गरेको छ । व्यापारबाहेकका सबै परिसूचक उकालो लागेपछि समग्र बजार परिसूचक ५०.२ अंकले बढेर २४२४.८४ अंकमा पुगेको हो ।

बजार तीव्र गतिले बढ्दा कुल बजार पुँजीकरण ३२ खर्ब ६६ अर्ब नाघेको छ । आइतबार २०७ कम्पनीको १ करोड ९३ लाख ७९ हजार ४२ कित्ता सेयर ९ अर्ब ३७ करोड ६० लाख रुपैयाँबराबरमा किनबेच भएको छ ।

आइतबार अन्य समूह सर्वाधिक ५.६९ प्रतिशत बढेको छ भने जलविद्युत २.७२ र लघुवित्त २.५६ प्रतिशतले बढेका छन् ।

ग्रामीण विकास लघुवित्त, मिथिला लघुवित्त, पोखरा फाइनान्स र गुराँस लाइफ इन्स्योरेन्सको सेयर मूल्य १० प्रतिशत बढेको छ । गुराँस  लघुवित्त, नागरिक लगानी कोष, एनसीसी बैँक, सपोर्ट माइक्रोफाइनान्स, रिडी हाइड्रोपावर, प्रभु लाइफ, आईएमई जनरल इन्स्योरेन्स, माउन्टेन इनर्जी, जलविद्युत लगानी तथा विकास कम्पनी, शिवश्री हाइड्रो र आशा लघुवित्तको सेयर मूल्य ९ प्रतिशतभन्दा धेरैले बढेको छ ।

साधारण सभा प्रयोजनका लागि माघ १३ गते बुक क्लोज मिति घोषणा गरेको नेपाल लाइफ इन्स्योरेन्सको आज सर्वाधिक ६६ करोड ८२ लाखको सेयर किनबेच भयो ।

प्रकाशित समय १७:४१ बजे