नेपालमा कोरोना भाइरस संक्रमितको संख्या १७ हजार नाघेको छ । स्वास्थ्य तथा जनसंख्या मन्त्रालयले मंगलबार सार्वजनिक गरेको विवरण अनुसार नेपालमा कोरोना संक्रमितको कुल संख्या १७ हजार ६१ पुगेको छ ।

पछिल्लो २४ घण्टामा ११६ जना कोरोना संक्रमित थपिएका छन् । स्वास्थ्य मन्त्रालयकाे नियमित प्रेस व्रिफ्रिङका क्रममा मन्त्रालयका प्रवक्ता डा. जागेश्वर गाैतमले पछिल्लो २४ घण्टामा ४ हजार ३ सय ६१ जनाको पीसीआर परीक्षण गरिएको बताए ।

डा. गाैतमका अनुसार पछिल्लो २४ घण्टामा ३४ जना कोरोना संक्रमित डिस्चार्ज भएका छन् । यससंगै हालसम्म डिस्चार्ज हुनेकाे संख्या १० हजार ३ सय २८ पुगेको छ । नेपालमा कोरोना संक्रमण निको हुने दर ६०.५३ प्रतिशत रहेको छ ।

उनले देशभर २४ हजार ७ सय १६ जना क्वारेन्टिनमा र ६ हजार ६ सय ९५ जना आइसाेलेशनमा उपचाररत रहेको जानकारी दिए ।

प्रकाशित समय १६:३० बजे