बुटवल– लामो समयदेखि रुपन्देहीमा शैक्षिक परामर्शको रुपमा कार्य गर्दै आएका स्टडी वर्ल्ड एजुकेसन प्रा. (लि) का देवबहादुर कुँवरले रंग क्षेत्रमा हात हालेका छन् । कुँवरले सत्य कथामा आधारित लघु चलचित्र ‘द लस्ट गर्ल’ (एउटी हराएकी केटी) नामको लघुचलचित्र निर्माण गर्ने भएका हुन् ।
बुटवल सिद्धबाबा धाम विकास समितिमा एक कार्यक्रम गरी बिहीबार चलचित्रको शुभमुहुर्त गरिएको छ । चलचित्रमा वैदेशिक रोजगारीको पीडा र नेपाली नारी कसरी भारत हुँदै यूएई पुग्छन् र बेचिन्छन् ? भन्ने विषयमा चलचित्र निर्माण हुने निर्देशक÷कथाकार प्रकाश ढकालले जानकारी दिए ।
रुपन्देही, पाल्पालगायतका स्थानमा छायांकन हुने चलचित्रमा कान्ति माविमा कक्षा ११ मा अध्ययरत छात्रा अञ्जना घिमिरेले मुख्य पात्र जुनाको भूमिका निर्वाह गर्नेछिन् ।

प्रकाशित समय १४:०३ बजे