विश्वभर महामारीको रूपमा फैलिएको कोरोना भाइरसका कारण अमेरिकामा एकै दिन २ हजार ७८२ जना संक्रमितको ज्यान गएको छ । अहिलेसम्म अमेरिकामा कोरोनाको संक्रमणबाट ज्यान गुमाउनेको संख्या ४५ हजार २९६ पुगेको छ ।

मंगलबारको तुलनामा बुधबार बिहानसम्म करिब ८ सयको हाराहारीमा ज्यान गुमाउनेको संख्या थपिएको छ । सोमबार अमेरिकामा एक हजार ९३९ जनाको ज्यान गएको थियो भने त्यो संख्या बढ्दै मंगलबार दिनभर २ हजार ७९२ जना संक्रमितको ज्यान गएको छ ।

अहिलेसम्म अमेरिकामा आठ लाख १८ हजार ३६६ जनामा कोरोना देखिएको छ । गएको २४ घण्टामा मात्रै त्यहाँ २५ हजार ६०७ जनामा नयाँ संक्रमण देखिएको छ भने कोरोना संक्रमित मध्ये ८२ हजार ९ सय २३ जना उपचारपछि घर फर्किसकेका छन् भने १४ हजार १६ संक्रमितको गम्भीर अवस्थामा उपचार भइरहेको छ ।

प्रकाशित समय १२:२२ बजे