पछिल्लो २४ घण्टामा थप १ हजार १४७ जनाले कोरोना जितेका छन् । यससँगै देशभर हालसम्म निको हुनेको कुल संख्या ५३ हजार १३ पुगेको स्वास्थ्य तथा जनसंख्या मन्त्रालयले जानकारी गराएको छ । नेपालमा कोरोनामुक्त हुने प्रतिशत ७३.८रहेको छ ।

यसैगरी, १ हजार २०७ जना कोरोनाभाइरस संक्रमित थपिएका छन् । शनिबारको नियमित प्रेस मन्त्रालयका प्रवक्ता डा. जागेश्वर गौतमले देशभर संक्रमितको संख्या ७१ हजार ८ सय २१ पुगेको  जानकारी दिए । उनका अनुसार सक्रिय संक्रमितको संख्या १८ हजार ३४१ जना रहेको छ ।

जसमा संस्थागत आइसोलेशनमा ७ हजार ८३३ र होम आइसोलेशनमा १० हजार ५०८ जना रहेका छन् । क्वारेन्टिनमा रहनेको संख्या ६ हजार ३३१ रहेकाे छ । त्यसैगरी देशभर २२४ जनाकाे आइसीयूमा र २७ जनाको भेन्टिलेटरमा उपचार भइरहेकाे छ । यसमध्ये सबैभन्दा बढी बागमती प्रदेशमा १२१ जना आइसीयू र २३ जना भेन्टिलेटरमा उपचाररत छन् ।

आज पीसीआर परीक्षण १० हजार १९ जनाको भएको छ । हालसम्म ९ लाख ७८ हजार २०४ पीसीआर भएको मन्त्रालयले जनाएको छ । गत २४ घण्टाभित्र काेराेनाबाट नेपालमा थप ८ जनाले ज्यान गुमाएका छन् । हालसम्म काेराेनाका कारण ज्यान गुमाउनेकाे संख्या ४६७ पुगेकाे मन्त्रालयले जानकारी दिएकाे छ ।

प्रकाशित समय १६:३२ बजे