कांग्रेस नेतृत्वको तत्कालीन सरकारले भदौ १४ पछि गरेका राजनीतिक नियुक्ति फिर्ता लिने ओली सरकारको निर्णयप्रति कांग्रेसले आपत्ती जनाएको छ ।

कांग्रेस नेता एवं त्यतिबेलाका वाणिज्यमन्त्री मीन विश्वकर्माले निर्वाचन आयोगको अनुमति लिएर गरिएका निर्णय बदर गरेर ओली सरकारले असंवैधानिक कदम चालेको प्रतिक्रिया दिए । ‘यो आपत्तीजनक निर्णयप्रति हामी घोर भत्र्सना गर्छौँ,’ विश्वकर्माले न्युजकारोबारसँग भने, ‘यसबारे हामी संसदमा पनि कुरा उठाउनेछौँ ।’

बुधबार मन्त्रिपरिषद् बैठकले भदौ १४ देखि फागुन २ सम्म भएका सबै राजनीतिक नियुक्तिहरु बदर गर्ने निर्णय गरेको हो ।

प्रकाशित समय ०८:१३ बजे