प्रधानमन्त्री कृषि आधुनिकीकरण सुपर जोन परियोजनाका कैलालीका प्रमुख वरिष्ठ कृषि विकास अधिकृत रामनन्दन यादवलाई २५ हजार घुस सहित अख्तियारको टोलीले पक्राउ गरेको छ । कैलारी गाउँपालिका-८ मा रहेको कार्यालयमा सेवाग्राहीबाट घुसबापत लिएको २५ हजार नगदसहित यादव रंगेहात पक्राउ परेका हुन् ।

गहुँवालीको चक्रको वृत्तचित्र निर्माण गर्ने सम्झौताअन्तर्गत भ्याटसहित ५० हजारको काममा ५० प्रतिशत अर्थात २५ हजार घुस खाने क्रममा उनलाई अख्तियार दुरुपयोग अनुसन्धान आयोग महेन्द्रनगरको टोलीले पक्राउ गरेको जनाएको छ । वृत्तचित्र निर्माणका लागि काम पाएका पत्रकार सुशील ढुंगानावाट रकम लिने क्रममा अख्तियारको टोलीले उनलाई पक्राउ गरेको हो । वरिष्ठ अधिकृत यादवलाई थप कारबाहीका लागि बुधबार काठमाडौं पठाइने भएको छ ।

प्रकाशित समय १८:५१ बजे