जुम्लामा अनसनरत डा. गोविन्द केसीलाई भेट्न गएका कर्णाली प्रदेशका मुख्यमन्त्रीलगायतलाई उनका समर्थकले अस्पतालमा प्रवेशमा अवरोध गरेका छन् । मुख्यमन्त्री महेन्द्रबहादुर शाही र गृहमन्त्री नरेश भण्डारीलाई केसीका समर्थक विद्यार्थीले अस्पताल प्रवेश गर्न नदिएका हुन् ।

सरकारले यसअघि डा. केसीलाई उपचारार्थ काठमाडौं ल्याउने तयारी गरेको थियो । शिक्षा, विज्ञान तथा प्रविधिमन्त्री गिरिराजमणि पोखरेलले प्रदेश सरकारको सहयोगमा डा. केसीलाई काठमाडौं ल्याउने तयारी भएको बताएका थिए । सरकारको सोही तयारीअनुरुप उनलाई लिन हेलिकप्टरसमेत पठाइएको थियो । तर, केसी आउन नमानेपछि हेलिकप्टर रित्तै फर्किसकेको छ ।

प्रकाशित समय १२:२४ बजे