प्रदूषण बढ्दै गएपछि त्यसलाई नियन्त्रण गर्न मेक्सिकोले एउटा प्रोजेक्ट सञ्चालन गर्याे । जसको उद्देश्य मेक्सिकोलाई ‘ग्रे’ सिटीबाट ‘ग्रिन’ सिटीमा रुपान्तरित गर्नु रहेको बताइएको छ ।

यो प्रोजेक्ट अन्तर्गत सडकका फ्लाइओभर्सका पिलरमा ‘भर्टिकल गार्डेन’ बनाउने योजना छ । जसले शहरको वातावरणमा सकारात्मक प्रभाव पार्न सकोस् ।

पछिल्ला केही वर्षदेखि मेक्सिकोमा ट्रफिक र धुँवा बढेको छ । शहरमा कारको संख्यामा बढोत्तरी भएसँगै प्रदूषण पनि बढेको र त्यसलाई रोक्न यस्तो विधि अपनाइएको बताइएको छ ।

यो योजना अन्तर्गत मेक्सिको शहरको कुल जनसंख्याका अतिरिक्त २५ हजारका लागि ताजा हावा उपलब्ध हुने बताइएको छ । त्यस्तै प्रत्येक वर्ष २७ हजार टन विशाक्त ग्यास र ५ हजार किलो धूलोबाट पनि मुक्ति मिल्नेछ । यो प्रोजेक्टमा सरकारको ध्यान तान्नका लागि ८० हजारको हस्ताक्षर संकलन गरिएको थियो ।

शहरलाइ नै सुन्दर देखाउने यो योजना निजी लगानीमा बनायएको हो । दुई वर्ष पहिले एक हजार पिलरमा भर्टिकल गार्डेन बनाएर यसको सुरुवात गरिएको थियो ।

तस्बिर : गुगल

प्रकाशित समय १६:४२ बजे