इराककी एक २५ वर्षीया युवतीले ७ बच्चा जन्माएकी छिन् । उनले ति बच्चाहरू बिना अप्रेसन प्राकृतिक रूपले जन्माएकी हुन् । अहिले उनको स्वास्थ्यस्थित सामान्य रहेको जनाइएको छ ।

पूर्वी इराकमा भएको यो घटनालाई धेरैले अविश्वसनीय मानेका छन् । आमा मात्र होइन बच्चाको अवस्था पनि सामान्य रहेको जनाइएको छ । पूर्वी इराकस्थित दियाली प्रान्तको एक अस्पतालमा उनले एकसाथ सात बच्चालाई जन्म दिएकी हुन् । इराकमा यस्तो घटना पहिलोपटक भएको दावी गरिएको छ ।

स्थानीय स्वास्थ्य विभागका प्रवक्ता फरास अल इजाववीलाई उदृत गर्दै अन्तर्राष्ट्रिय सञ्चारमाध्यमले समाचार लेखेका छन् । इजाववीका अनुसार ती (नाम उल्लेख नगरिएकी) युवतीले पाकृतिक रूपमै ७ बच्चालाई जन्म दिएकी हुन् । सातमध्ये ६ छोरी र १ छोरा हुन् ।

प्रकाशित समय १६:४२ बजे