मानिसहरू आफ्नो बासस्थान सुरक्षित होस् भन्ने चाहान्छन् । त्यसका लागि बलियो घर निर्माण गर्नु उनीहरूको उद्देश्य हुन्छ । आफ्नो यो उद्देश्य पूर्तिमा कोही सफल हुन्छन् भने कोही हुँदैनन् ।

बलियो घर निर्माणकै लागि सिमेन्ट, छडलगायतका कच्चा पदार्थको छनोटमा उनीहरूको ध्यान गएको हुन्छ । भूकम्पले ठाउँ ठाउँमा आवासीय संरचना विनास तथा मानिसहरूको मृत्यु सम्मका समाचारहरू आइरहेका हुन्छन् । यस्तो सन्दर्भमा बलियो घरको चाहना कसलाई पो नहोला र !

नाइजेरियाका एक युवाले बलियो घर कसरी बनाउने भनेर एउटा अनौठो उपाय निकालेका छन् । ति युवाले निकालेको बलियो घर बनाउने ‘काइदा’को अबलम्बन गर्दै त्यहाँ घरहरू पनि बनिरहेका छन् ।

उक्त विधिअनुसार घर निर्माण गर्न चाहिने मुख्य कच्चा पदार्थ भनेको प्लास्टिकको बोतल हो । प्लस्टिकको बोतलमा माटो तथा कङ्कड भरेर यस्तो घर बनाइन्छ । विशेषज्ञले त्यहाँ बनेका घरले ७.३ रेक्टर स्केलको भूकम्पको धक्का थेग्न सक्ने बताएका छन् । यस्तो घर बनाउँन त्यहा करिब ५.६ लाख रूपैयाँ लाग्छ ।

यसको अर्को सकारात्मक पक्ष के पनि हो भने विगत १० वर्षदेखि बेरोजगारी बढीरहेको उक्त देशमा केही हदसम्म रोजगारीको अवसर पनि मिलेको छ । युवाहरूलाई त रोजगारी मिलेको छ नै सँगै प्लास्टिक जुन पर्यावरणका लागि हानिकारक हुन्छ, को सही प्रयोगमा पनि सहयोग मिलीरहेको छ ।

विशेषज्ञका अनुसार यस्तो घरको अर्को राम्रो पक्ष के पनि हो भने यो टिकाउ पनि हुन्छ । किन त ? उनीहरूले यसको कारण बताएका छन्, प्लास्टिकका कारण । अर्थात् प्लस्टिकको बोतल गल्न ४५० वर्ष लाग्छ । अन्य कच्चा पदार्थको उपयोग गरी बनाइएमा घरको आयु त्यती नहुन सक्छ ।

यी घरहरू त्यसरी नै बनाइन्छ जसरी इटा, सिमेन्ट तथा गिटी प्रयोग गरेर घर बनाइन्छ । यो बातावरणीय अनुकुल त छँदै छ, साथसाथै सस्तो समेत पर्दछ ।

माटो र कङ्कड भरिएका प्लास्टिकका बोतललाई एकमाथि अर्को गर्दै राखिन्छ र नाइलनको डोरीले त्यसलाई बाँधिन्छ । क्वाड्रो इको सोलुसन कम्पनीका सिइओ रेमोन मार्टिनलाई उदृत गर्दै अमर उजालाले लेखेको छ, ६०० वर्गफितको घर बनाउन झण्डै साढे पाँच लाख रूपैयाँ लाग्छ ।

तस्बिर : गुगल

प्रकाशित समय १५:०२ बजे