सल्यानमा पहिरोले घर पुरिँदा तीन बालबालिका बेपत्ता भएका छन् । बागचौर नगरपालिका १२ ओख्रेनीमा बालाराम डाँगीको घर पहिरोले पुरिँदा तीन बालबालिका बेपत्ता भएका हुन् । डाँगीको दुई छोरी र एक छोरा पहिरोमा पुरिएका हुन् ।

उनका ७ वर्षीय छोरा ललित, ४ वर्षकी छोरी मेनका र १० वर्षकी छोरी ललिता पहिरोमा पुरिएका हुन् । गएराति झरेको पहिरोले डाँगीको घर पुरिएको हो । उद्धारको काम सुरु भएको सो वडाका वडाध्यक्ष दिपक वलीले जानकारी दिए ।

उद्धारका लागि सिमखोली प्रहरी चौकी र इलाका प्रहरी कार्यालय थारमारेबाट टोली हिँडेको जिल्ला प्रहरी कार्यालय सल्यानले जनाएको छ  ।

प्रकाशित समय ०७:४३ बजे