गृहपृष्ठ भीम रावल भन्छन्- मेरा विरूद्धको कूप्रचार थोत्रो बर्कोले छोपिँदैन
भीम रावल भन्छन्- मेरा विरूद्धको कूप्रचार थोत्रो बर्कोले छोपिँदैन
शुक्रबार सरकारले पृथकतावादी अभियान चलाइरहेका डा. सिके (चन्द्रकान्त) राउतसँग ११ बुँदै सहमति गरेपछि नेकपाभित्र त्यसले विवाद बढाएको छ । एकातर्फ नेकपाका सचिवालय सदस्यले नै आफूले सम्झौताको भाषा सच्याउन आग्रह गरेको भए पनि त्यसो नभएको बताउँदै आएका छन् ।
अर्कातर्फ नेकपाका नेताहरूबीच सामाजिक सञ्जाल ट्वीटरमा आरोप प्रत्यारोप चलेको छ । नेकपाका स्थायी समिति सदस्य भीम रावलले मंगलबार यससम्बन्धमा पुनः ट्वीट गरेका छन् ।
मंगलबार ट्वीट गर्दै रावलले भनेका छन्, ‘नेपाल आमालाई गालिगलौज गर्दै टुक्र्याउन विदेशीहरूसँग समेत साँठगाँठ गर्ने सीके राउतलाई राष्ट्रिय हिरोको सम्मान दिँदै अलग देशको नेतासँग झै सम्झौता गरी स्वतन्त्र मधेश र स्वशासन जस्ता संविधान विपरीतका कुरा, मेरो विरूद्धको कुप्रचारको थोत्रो बर्कोले छोपिने छैनन् ।’
नेपाल अामालाई गालिगलौज गर्दै टुक्र्याउन विदेशीहरूसंग समेत साँठगाँठ गर्ने सीके राउतलाई राष्ट्रिय हिरोको सम्मान दिदै अलग देशको नेतासंग झै सम्झौता गरी स्वतन्त्र मधेश र स्वशासन जस्ता संविधान विपरीतका कुरा, मेरो विरूद्धको कुप्रचारको थोत्रो बर्कोले छोपिने छैनन् ।
— Bhim Rawal (@BhimRawal179) March 12, 2019
प्रकाशित समय १४:४५ बजे
