प्रधानमन्त्री केपी शर्मा ओलीलाई सत्तारूढ नेकपाका कार्यकारी अध्यक्ष पष्पकमल दाहाल ‘प्रचण्ड’ले गोकुल बाँस्कोटाको राजीनामा माग्न सुझाव दिएका छन् । अडियोका कारण पार्टीमाथि नै नकारात्मक धक्का लाग्ने भएपछि हतासमा भेट गरेका दुई अध्यक्षबीच सञ्चारमन्त्री गोकुल बाँस्कोटालाई बर्खास्त गर्ने विषयमा छलफल भएको हो । सेक्युरिटी प्रेस स्थापना प्रकरणमा ७० करोड कमिसन मागेको अडियो बाहिरिएसँगै अहिले पार्टीसँगै सञ्चारमन्त्रीको तीव्र आलोचना भइरहेको छ ।

छलफलका क्रममा प्रचण्डले अरु केही नसोची राजीनामा माग्न प्रधानमन्त्रीलाई सुझाएको  बालुवाटार स्रोतले जनाएको छ । ‘छलफललगत्तै प्रधानमन्त्रीले बाँस्कोटालाई फोन गरी सिधै बालुवाटार बोलाउनुभएको छ,’ स्रोतले भन्यो, ‘प्रधानमन्त्रीले जे भन्नुहुन्छ, मन्त्री बाँस्कोटाले मान्नुहुन्छ ।’ प्रचण्ड अहिले बालुवाटारबाट बाहिरिइसकेका छन् ।

प्रकाशित समय १३:१४ बजे