गृहपृष्ठ दुई नेकपाको विवाद हल गर्न आयोगमा बैठक

दुई नेकपाको विवाद हल गर्न आयोगमा बैठक

election-commission-nirbachan-aayog

दुई नेपाल कम्युनिस्ट पार्टी एकीकरणपछि तय हुने नामका विषयमा अन्तिम निर्णय गर्न निर्वाचन आयोगमा छलफल जारी छ । पार्टी नामको अन्तिम टुंगो लगाउन दुई पक्षलाई आयोगले छलफलमा बोलाएको हो । आयोगको रोहवरमा दुवै पक्षका प्रतिनिधि छलफलमा जुटेको आयोगका प्रवक्ता दीपक सुवेदीले जानकारी दिए ।

गएको जेठ ३ मा नेकपा एमाले र नेकपा माओवादी केन्द्रबीच पार्टी एकता भएको थियो । एकीकृत पार्टीको नाम नेकपा राखिएपछि नाम दर्ताको विवाद भने अझै टुंगिएको छैन । नेपाल कम्युनिस्ट पार्टी भन्ने नाममा ऋषि कट्टेलले पहिल्यै पार्टी दर्ता गराएका थिए । जेठ ३ पछि पुनः नेपाल कम्युनिस्ट पार्टी (नेकपा) भन्दै दल दर्ता गर्न आयोगमा निवेदन परेपछि विवाद आएको हो ।

सत्तासीन नेपाल कम्युनिस्ट पार्टी (नेकपा) ले ऋषि कट्टेल नेतृत्वको पार्टीसँग नाम जुधाएपछि आयोगमा उजुरी परेको थियो । विवाद समाधानका लागि दुवै दल तथा आयोगका पदाधिकारी छलफलमा छन् । सत्तासीन दल नेकपाबाट मुक्ति प्रधान र बाबुराम दाहाल तथा नेपाल कम्युनिस्ट पार्टीबाट अध्यक्ष कट्टेलसहितका नेता छलफलमा छन् ।

प्रकाशित समय १४:४१ बजे

प्रतिक्रिया दिनुहोस्

सम्बन्धित शीर्षकहरु