बिमा समितिले मोटर बिमाको हकमा यसअघि लागू भएको बन्दाबन्दीको अवधिलाई दृष्टिगत गरी बिमकलाई लिखित रुपमा पूर्वसूचना दिन आग्रह गरेको छ ।

समितिले निर्जीवन बिमा कम्पनीलाई आज मोटर बिमाको दर निर्देशिकाका बारेमा जानकारी दिँदै गत चैत ११ गतेदेखि लागू भएको लकडाउनको घोषणा गरिएको अवस्थालाई दृष्टिगत गरी गत जेठ ६ गते जारी भएको परिपत्रबमोजिम थन्किएको अवधिका बारेमा बिमकलाई पूर्वसूचना दिन भनेको हो ।

समितिका कार्यकारी निर्देशक राजुरमण पौडेलका अनुसार सोमबारदेखि लकडाउनको ढाँचा परिवर्तन हुने निर्णय भएकाले ‘मोटर बिमा दरसम्बन्धी निर्देशिका, २०७३’ बमोजिम बिमकलाई पूर्वसूचना दिनुपर्ने व्यवस्था गरिएको हो । समितिले बिमकलार्ई लिखित रुपमा पूर्वसूचना दिई सोहीअनुसार गर्न/गराउनु हुन निर्देशन दिएको छ ।

प्रकाशित समय १८:२३ बजे