सानिमा बैंकले ग्राहकको सुविधालाई ध्यानमा राख्दै नयाँ प्रविधियुक्त बैंकिङ सेवा सञ्चालनमा ल्याएको छ । बैंकले मंगलबारदेखि डिजिटल काउन्टर सञ्चालनमा ल्याएको हो ।

डिजिटल काउन्टरमार्फत सानिमा बैंकका ग्राहकले चेकबिना नै भुक्तानी प्राप्त गर्न सक्नेछन् । यो सेवा प्रयोग गर्न मोबाइल बैंकिङ एप ‘सानिमा सजिलो ई बैंकिङ’ बाट नक्साल शाखामा रहेको डिजिटल काउन्टरमा गएर क्युआर कोड स्क्यान गरी भुक्तानी प्राप्त गर्न सकिने कम्पनीले जनाएको छ ।

ग्राहकले चेकबुक भर्नुपर्ने प्रक्रियाबिना सिधै डिजिटल काउन्टरमा रहेको क्युआर कोड स्क्यान गरी रकम निकाल्न सक्नेछन् । सानिमा बैंकको प्रधान कार्यालय नक्सालबाट सुरु भएको यो सेवा समयअनुसार थप सुविधा समायोजन गरी विस्तार गरिने बैंकद्वारा जारी विज्ञप्तिमा उल्लेख छ ।

प्रकाशित समय ११:०१ बजे