बीपी कोइरालाको १०७औं जन्मजयन्ती भदौ २४ गते तथा यही साताका फरक दिनहरूमा विभिन्न कार्यक्रम आयोजना गरेर मनाउन जिल्ला र विदेशस्थित जनसम्पर्क समितिहरुलाई केन्द्रीय समितिका तर्फबाट एकसाता अघि परिपत्र गरिसकिएको नेपाली कांग्रेसले जनाएको छ । कोरोना प्रतिकुलताबाट सुरक्षित रहँदै स्थानीय परिस्थिति हेरी अनिवार्य रुपले भौतिक दुरी र अनिवार्य मास्क प्रयोग गरेर अथवा भर्चुअल रूपमा कार्यक्रम गर्न सबैलाई सूचित गरिएको हो ।

केन्द्रीय तहबाट तय गरिएको तीन दिने कार्यक्रम पनि Zoom मार्फत हुने नेपाली का‌ग्रेस केन्द्रीय कार्यालका मुख्य सचिव कृष्णप्रसाद पौडेलेले जानकारी दिएका छन् । केन्द्रीय कार्यालयमा भदौ २४ गते अपरान्ह १ बजे हुने ‘बीपीको विचार नेपालको समुन्नतिको मुल बाटो’ विषयक विचार गोष्ठीमा वक्ताहरु सभापति शेरबहादुर देउवा, नेता रामचन्द्र पौडेललगायत शीर्ष नेताहरूले सम्बोधन गर्ने बताइएकाे छ । गोष्ठीको संयोजन नेपाली कांग्रेस केन्द्रीय कार्यालयले गर्नेछ ।

त्यस्तै भदौ २५ गते अपरान्ह १ बजे ‘नेपालको अन्तर्राष्ट्रिय सम्बन्ध र विदेश नीतिमा बीपीको योगदान’ विषयक गोष्ठीम उपसभापति विमलेन्द्र निधि एवं विज्ञहरु वक्ताका रूपमा रहेन मुख्यसचिव पाैडेलले जानकारी दिए । यसको संयोजन केन्द्रीय नीति, अनुसन्धान तथा प्रशिक्षण प्रतिष्ठानले गर्दैछ ।

त्यसैगरी भदौ २६ गते अपरान्ह १ बजे कांग्रेसको सूचना, सञ्चार तथा प्रचार विभागले संयोजन गर्ने  ‘विचार निर्माण एवं प्रचारमा बीपीको शैलीको आलोकमा अबको रणनीति’ शिर्षकको गोष्ठीमा वक्ताहरु बौद्धिक चिन्तकद्वय नरहरी आचार्य र प्रदीप गिरि रहनेछन् ।

Zoom मार्फत हुने तीनै दिनको कार्यक्रम पार्टीको फेसबुक पेज ( facebook.com/ nepalicongresshq/) बाट Live समेत गरिने मुख्यसचिव पाैडेलले जानकारी दिए ।

प्रकाशित समय १२:२९ बजे