एनएमबी बैंकले कर्पोरेट क्रेडिट कार्ड जारी गर्न फेरि पहिलो नेपाली बैंकको रुपमा प्राथमिकता तय गरेको छ । बैंकले एनएमबी बैंक भिजा कर्पोरेट क्रेडिट कार्ड प्रस्तुत गरेको हो, जुन व्यावसायिक संगठन र कर्पोरेट घरानाहरूको अनुरोधमा जारी गरिनेछ ।

यो कार्ड मुख्यतः व्यवसायसँग सम्बन्धित खर्चहरु जस्तैः व्यवसाय प्रवर्धन, तालिम, ग्राहक संलग्नता, मार्केटिङ र व्यवसायसँग सम्बन्धित अन्य खर्चहरुको व्यवस्थापन गर्न प्रयोग गर्न सकिन्छ । एकभन्दा बढी क्रेडिट कार्डहरू एउटै संस्थाको व्यक्तिका लागि फरक क्रेडिट सीमाका साथ जारी गर्न सकिन्छ । प्रत्येक संगठनको क्रेडिट सीमा उक्त संगठनको आवश्यकताअनुरुप निर्धारण गरिनेछ ।

‘एनएमबी बैंक भिसा कर्पोरेट क्रेडिट कार्ड वित्तीय बजारमा विशुद्ध नयाँ प्रस्तुति हो र हामी विश्वस्त छौं कि यसले हाम्रा ग्राहकलाई कर्पोरेट र व्यावसायिक संगठनहरूमा उहाँहरूको व्यवसायसँग सम्बन्धित खर्चहरू अझ राम्रोसँग व्यवस्थापन गर्न सक्षम गर्नेछ । हाम्रा सेवाहरूमा मूल्य र मान्यतासहित ग्राहकको अनुभव अभिवृद्धि गर्नु हाम्रो मुख्य उद्देश्य हो र हामी आफ्नो ब्रान्ड अनुभव सशक्त बनाउन अन्वेषण गर्ने क्रममा सदैव तत्पर छौं,’ बैंकले जारी गरेको विज्ञप्तिमा भनिएको छ ।

प्रकाशित समय ११:२७ बजे