सानिमा बैंकले ‘बिग डिल एट सस्तो डिल’ नामक नयाँ योजना सार्वजनिक गरेको छ । बैंकले नेपालीहरुको मुख्य चाड वडादसैँको अवसर पारेर विभिन्न छुट सुविधा रहेको योजना सार्वजनिक गरेको हो ।

अनलाइन सपिङ पोर्टल सस्तो डिलसँगको सहकार्यमा सञ्चालितोयस योजनामा बैंकको मोबाइल बैंकिङ एप र सानिमा सजिलो ई-बैंकिङ प्रयोगकर्ताले क्यूआर कोड स्क्यान गरी भुक्तानी गर्दा २५ प्रतिशत छुट वा अधिकतम २५ सय रुपैयाँसम्म क्यास ब्याक प्राप्त गर्न सकिनेछ ।

योजना अवधिभर सहभागी हुने ग्राहकलाई ‘फर्स्ट कम फर्स्ट सर्भ’का आधारमा छुट प्रदान गरिनेछ । यो योजना असोज २७ गतेदेखि कात्तिक १ गतेसम्म पाँच दिनका लागि लागू हुने बैंकद्वारा जारी विज्ञप्तिमा उल्लेख छ ।

सानिमा बैंकले डेबिट तथा क्रेडिट कार्ड प्रयोग गर्ने ग्राहकलाई विभिन्न अस्पताल, सपिङ सेन्टर, होटल, रेस्टुराँलगायतमा पनि विशेष छुट सुविधा दिएको छ । हाल सानिमा बैंकका देशभर ८३ शाखा, १५ विस्तारित काउन्टर र ८१ वटा एटीएम काउन्टर सञ्चालनमा छन् ।

प्रकाशित समय १३:४४ बजे