सनराइज बैंकले ग्राहकको सहजता तथा सुविधालाई मध्यनजर गर्दै अस्पताल, रेस्टुरेन्ट तथा विभिन्न क्षेत्रमा विशेष छुटसहितका सुविधा दिँदै आएको छ । त्यसै क्रममा बैंकले होटल क्षेत्रमा समेत विभिन्न छुट दिने उद्देश्यले सिद्धार्थ ग्रुप अफ हस्पिटालिटीसँग सम्झौता गरेको छ । सम्झौतापत्रमा सनराइज बैंक र सिद्धार्थ ग्रुप अफ हस्पिटालिटीबीच हस्ताक्षर भइसकेको छ । सम्झौताअनुसार बैंकका ग्राहकले सिद्धार्थ गुप्रका होटलमा खान, बस्न तथा बेबरेज जस्ता सुविधाको भुक्तानी गर्दा सनराइज बैंकको क्रेडिट तथा डेबिट कार्ड देखाएर वा कार्डमार्फत भुक्तानी गर्दा १० प्रतिशत छुट लिन सक्नेछन् ।

सम्झौतापश्चात् सिद्धार्थ ग्रुपअन्तर्गत रहेका काठमाडौं उपत्यका तथा उपत्यकाबाहिर महेन्द्रनगर, कैलाली, बुटबल, सुर्खेत, बिर्तामोडलगायतका अन्य जिल्लामा अवस्थित होटल, रिसोर्ट, रेस्टुरेन्ट तथा क्याफेहरुमा पनि ग्राहकले छुटको लाभ लिन सक्नेछन् । बैंकले ‘स्मार्ट बनौं, डिजिटल बैंकिङ गरौँ’ अभियानअनुरुप ग्राहकलाई नवीनतम् सेवा प्रदान गर्दै आएको र ग्राहकको अपेक्षाअनुरुप सेवा सुविधा थप गर्दै जाने बैंकले जनाएको छ ।

प्रकाशित समय १२:३७ बजे