नेपाल कम्युनिस्ट पार्टी नेकपाका अध्यक्ष माधवकुमार नेपालले केपी ओलीले बोलेका शब्दले टाउको निहुर्‍याउनुपर्ने अवस्था आएको बताएका छन् । जनता समाजवादी पार्टीले काठमाडौंमा आयोजना गरेको अन्तर्क्रियामा नेपालले भने, ‘ओलीमा आफ्ना विरोधीलाई सिध्याउन चाहने प्रवृत्ति छ, ओलीले बोलेका शब्दले टाउको निहुर्‍याउनुपर्ने अवस्था आएको छ ।’

प्रधानमन्त्रीको स्तरबाट निम्नस्तरकत्र टिप्पणी आउँदा देशको शिर झुक्ने काम भएको उनले टिप्पणी गरे । अध्यक्ष नेपालले ओलीलाई आफूले नै समर्थन गरेर ल्याएको र अहिले आफैँलाई घाँडो भएको बताए । ओलीभन्दा पुष्पकमल दाहाल ‘प्रचण्ड’ फारबेटर मान्छे भएको उनको भनाइ छ । उनले प्रचण्डसँगै मिलेर आफूले सेना समायोजनलगायत महत्त्वपूर्ण काम गरेको स्पष्ट पारे ।

संसद विघटनलगत्तै आफूमाथि कारबाही भएपछि कामचलाउ प्रधानमन्त्री ओलीले माधव नेपाल, प्रचण्डलगायतका नेतामाथि निम्नस्तरको गाली गरिरहेका छन् । ओली खेमाका सबै नेता तल्लो स्तरमा उत्रिएर नेताहरूमाथि खनिने गरेका छन् । तर, माधव–प्रचण्ड समूहका नेताहरूले भने ओलीको असंवैधानिक कदमको विरोधमात्र गरिरहेका छन् ।

प्रकाशित समय १५:१८ बजे