नेपाल कम्युनिस्ट पार्टी नेकपाका नेता योगेश भट्टराईले हिजो लोकतन्त्रवादीलाई जेल पठाउन बहस गर्न वकिल आज प्रधानमन्त्रीको पक्षमा देखिएको आरोप लगाएका छन् । संसद विघटनको विरुद्धमा सर्वोच्च अदालतमा परेका रिटमाथिको बहसमा सरकारका तर्फबाट बहस गर्ने वकिलहरू हिजो लोकतन्त्रवादीहरूलाई जेल पठाउन बहस गर्ने गरेको उनले बताएका हुन् ।

उनले सामाजिक सञ्जाल ट्विटरमा लेखेका छन्, ‘हिजो लोकतन्त्रका विरुद्ध र लोकतन्त्रवादीहरुलाई जेल पठाउन बहस गर्ने वकिलहरु आज प्रधानमन्त्रीका पक्षमा बहस गर्दै छन्, अर्कातिर हिजोदेखि आजसम्म लोकतन्त्रका पक्षमा र आन्दोलनकारी नेता र कार्यकर्तालाई जेलबाट छुटाउन बहस गर्ने वकिलजति सबै आज प्रधानमन्त्रीको कदमका विपक्षमा ! देशमा के हुँदैछ ? ‘

प्रकाशित समय ०७:३८ बजे