ज्योति लाइफ इन्स्योरेन्स कम्पनीले जीवन बिमाका साथै ऐच्छिक सुविधासहितको योजना ल्याएको छ । कम्पनीले ११ घातक रोगहरुको उपचारमा १० लाखसम्मको सुविधा प्रदान गर्ने पोलिसी ल्याएको हो । कम्पनीले बाल बिमा, सुरक्षित बचत जीवन बिमा, सुरक्षित भविष्य जीवन बिमा, धनलाभ जीवन बिमा, एकल भुक्तानी जीवन बिमा र म्यादी जीवन बिमा बजारमा ल्याएको छ ।

सुरक्षित बचत जीवन बिमा, सुरक्षित भविष्य जीवन बिमा, एकल भुक्तानी जीवन बिमा र धनलाभ जीवन बिमा गर्ने बिमितका लागि ‍यसै पोलिसीमा थप प्रिमियम बुझाएमा ११ वटा घातक रोगको उपचारको सुविधा पाइने कम्पनीले जनाएको छ । कम्पनीका अनुसार मुटु रोग, क्यान्सर, मृगौलासम्वन्धी समस्या आदिले गर्दा मृत्यु हुने संख्या दिनदिनै बढ्दै गएकाले यस्ता रोग लाग्दा औषधी उपचार पाउने गरी बिमा पोलिसी ल्याइएको हो ।

प्रकाशित समय १८:४९ बजे