गृहपृष्ठ २५ मेगावाटको दरवाङ म्याग्दी जलविद्युत आयोजनाको शिलान्याश

२५ मेगावाटको दरवाङ म्याग्दी जलविद्युत आयोजनाको शिलान्याश

तीन वर्ष ६ महिनाभित्र निर्माण सम्पन्न गर्ने लक्ष्य

darbang-hydro-newskarobar

म्याग्दीको म्याग्दी खोलामा निर्माण हुने २५ मेगावाटको जलविद्युत आयोजनाको शिलान्याश भएको छ । आयोजनाको महिला बालबालिका तथा ज्येष्ठ नागरिकमन्त्री थममाया थापा र धौलागिरि कालिका हाइड्रोका अध्यक्ष विनोद कुँवरले दरबाङमा आयोजित एक कार्यक्रमबीच शिलान्याश गरेका छन् ।

५ अर्ब १४ करोड कुल लगानी रहने परियोजनामा सानिमा बैंकको नेतृत्वमा बैंकहरुले ३ अर्ब ५० करोड ऋण लगानी गरेका छन् । बाँकी १ अर्ब ६४ करोडको इक्विटी सेयर रहनेछ । परियोजनामा निर्माण समयमै ३० प्रतिशत सेयर सर्वसाधारणका लागि जारी गरिनेछ ।

परियोजनामा स्थानीयका साथै म्याग्दीमा जन्मिएर प्रवासमा रहेका लगानीकर्ताको बाहुल्य छ । एनआरएनए हङकङ समूह, काठमाडौं म्याग्दी इन्भेष्टमेण्ट कम्पनी र ग्लोवल फ्रेन्डसिप क्यापिटल लिमिटेड मुख्य प्रवद्र्धक रहेको परियोजनामा एनआरएनएका एसिया प्रशान्त उप–संयोजक विनोद कुँवर अध्यक्ष छन् ।

सन् २००७ मा स्थापना भएको धौलागिरी कालिका हाइड्रो कम्पनीले म्याग्दी खोलामा २५ मेगावाटको जलविद्युत परियोजना तीन वर्ष ६ महिनाभित्र निर्माण सम्पन्न गर्ने लक्ष्य लिएकोे छ । पानीको बहाव ३१.४ घनमिटर प्रतिसेकेण्ड रहेको आयोजनाको ग्रस हेड १०४ मिटर छ । दरबाङको माथि देवीस्थानबाट ड्याम निर्माण गरी खोलाको पानीलाई ५ किमी सुरुङ मार्गबाट रातोढुंगामा पुर्याएर २०० मिटरको पेनस्टक पाइपबाट पावरहाउसमा झारी विद्युत उत्पादन गरिनेछ । पावर हाउस र इन्टेकसम्म नै सडक पहुँच रहेको परियोजनाको उत्पादित विद्युत १४ किलोमिटर लामो १३२ केभी ट्रान्समिसन लाइन हुँदै प्रस्तावित डाँडाखेत सबस्टेसनमार्फत राष्ट्रिय प्रसारण लाइनमा जोडिनेछ ।

प्रकाशित समय ०६:५४ बजे

प्रतिक्रिया दिनुहोस्

सम्बन्धित शीर्षकहरु