भारत आन्ध्र प्रदेशका मुख्यमन्त्री एन. चन्द्रबाबू नायडूले प्रधानमन्त्री नरेन्द्र मोदीलाई ‘ब्ल्याकमेलर’ भनेका छन् । आइतबार एक पत्रकार सम्मेलनमा मुख्यमन्त्री नायडूले आप्mनो मुलुकका प्रधानमन्त्री मोदीमाथि यस्तो आरोप लगाएका हुन् । ‘मोदी एक नम्बरका ब्ल्याकमेलर हुन्,’ उनले भने, ‘उनी कोहीविरुद्ध केस लगाउँछन् र पुनः त्यो केस फिर्ता लिन्छन् । त्यसपछि उनी ब्ल्याकमेल गर्छन् । हिजोआज उनी लगातार यस्तो काम गरिरहेका छन ।’

प्रधानमन्त्री मोदीले आरजेडी प्रमख लालूप्रसाद यादवविरुद्ध मुद्दा हाल्न लगाएको स्वयं सीबीआई निर्देशकले पुष्टि गरेको नायडूको दाबी छ । उनका अनुसार मोदीले तेलंगनाका मुख्यमन्त्री के. चन्द्रशेखरलाई पनि निशाना बनाएका छन् । नायडूले रावलाई ‘षड्यन्त्रकारी’ भनेका छन् । मोदी र केसीआरले आन्ध्र प्रदेशको विकास नचाहेको आरोप पनि नायडूले लगाए ।

प्रकाशित समय १०:०३ बजे