विश्व बैंकले नेपालको नवीकरणीय ऊर्जाका विभिन्न स्रोतको विविधीकरणका लागि झन्डै ८६ करोड ७५ लाख रुपैयाँबराबरको सहायता स्वीकृत गरेको छ । यसमध्ये ६३ करोड ९५ लाख रुपैयाँ (५ करोड ६१ लाख अमेरिकी डलर) अनुदान हो भने २२ करोड ८० लाख रुपैयाँ (२० लाख डलर) सहुलियतपूर्ण ऋण हो । बैंकले रणनीतिक जलवायु कोष (एससीएफ)बाट यो सहायता उपलब्ध गराउन लागेको हो । बैंकले आजै यो सहायता स्वीकृत गरेको छ ।
बैंकले निजी क्षेत्रद्वारा प्रबद्र्धन गरिएको मिनी ग्रिड ऊर्जा पहुँच परियोजनाअन्तर्गत ५ करोड ६१ लाख अमेरिकी डलरको अनुदान प्रदान गरेको हो, जसका माध्यमबाट ऊर्जासेवा कम्पनीहरूले देशका विभिन्न क्षेत्रका लागि नवीकरणीय ऊर्जामा आधारित मिनी ग्रिड क्षमता अभिवृद्धिलाई बढाउने विश्व बैंकले जानकारी दिएको छ ।
“यो परियोजनामा हाम्रो सहयोगले निजी क्षेत्रलाई नवीकरणीय मिनी ग्रिड उप–परियोजना अघि बढाउनका लागि योगदान पु¥याउँने छ र यसो क्षेत्रलाई समृद्ध र विस्तारित बनाउनेछ,” विश्व बैंकका वरिष्ट ऊर्जा विज्ञ सुबोध अधिकारीले भने।
नेपालमा केही वर्षदेखि नवीकरणीय ऊर्जाका क्षेत्रमा मिनी ग्रिड परियोजनाहरू नमुनाका रूपमा कार्यान्वयन हुँदै आएका छन् । ससाना क्षमताका लघु जलविद्युत् तथा सौर्य ऊर्जाका घरेलु उपकरणबाट उत्पादित विद्युतलाई एकीकृत रुपमा साना प्रशारण लाइनमा जोडेर त्यसरी उत्पादित विद्युत प्रणालीमा समावेश गरेर वितरण गर्ने प्रणाली मिनी ग्रिड हो ।
यसअघि बागलुङमा नमुनाका रूपमा पहिलो मिनी ग्रिड सञ्चालनमा आइसकेको छ ।

प्रकाशित समय १६:३२ बजे