गत वर्षका उपविजेता त्रिभुवन आर्मीका हरी कुमार रिमालले १३ औं सफल अन्तर्राष्ट्रिय पोखरा म्याराथनको उपाधि हात पारेका छन् । निर्धारित दुरी उनले २ घण्टा ४० मिनेट १० सेकेण्डमा पार गर्दै उपाधिसहित नगद एक लाख रुपैयाँ पुरस्कार हात पार्न सफल भएका हुन् ।

त्यसै गरी उनले यसै वर्ष गत जेठमा अन्नपूर्ण बेसक्याम्पमा भएको अन्नपूर्ण म्याराथन दौडमा विजेता भएका थिए भने गत वर्षको पोखरा म्याराथनमा उनी दोश्रो भएका थिए । यस पटकको पोखरा म्याराथन जित्ने लक्ष्यका साथ प्रतियोगितामा सहभागी भएका उनले जितसँगै खुसी व्यक्त गर्दै प्रतियोगिताको सुरुमा पानी परेर बाटो केही चिप्लो भएको गुनासो गरे ।

प्रतियोगितामा शसस्त्र प्रहरी बलको एपिएफका खिम बहादुर खत्रीले निर्धारित दुरी २ घण्टा ४० मिनेट २० सेकेण्डमा पार गर्दै दोश्रो भए । उनले ७० हजार साथमा मेडल र प्रमाणपत्र प्राप्त गरे । उनी गत वर्ष उक्त प्रतियेगितामा तेश्रो भएका थिए ।

निर्धारित दुरी २ घण्टा ४१ मिनेट १७ सेकेण्डमा पार गरी नेपाल पुलिसका भुमिराज राई तेश्रो भए । हुनेलाई ५० हजार प्रदान गरियो । पोखराका पुर्ण तामाङले निधारित दुरी २ घण्टा ४२ मिनेट ५५ सेकेण्डमा पार गरी शान्त्वना भए । शान्त्वना भएका तामाङलाई ७ हजार प्रदान गरिएको थियो ।

त्यसैगरी १० किलोमिटर दौडमा पनि विभागीय टोलीकै वर्चश्व कायम रह्यो । उक्त ईभेण्टको पुरुषतर्फ आर्मीका विकास कार्की प्रथम, आर्मीका राजन रोकाया दोश्रो र आर्मीकै शिव बहादुर रायमाझी तेश्रो भए । १० किलोमिटर महिला तर्फको दौडमा भने पुलिसका राजपुरा पछाई प्रथम, एपिएफका बृन्द्धा श्रेष्ठ दोश्रो र आर्मीका सरीता बंशी तेश्रो भइन् ।

प्रकाशित समय १७:१६ बजे