गृहपृष्ठ निर्मला हत्या प्रकरण : दोषीलाई कारबाहीको माग राख्दै अनिश्चतकालीन यातायात बन्द
निर्मला हत्या प्रकरण : दोषीलाई कारबाहीको माग राख्दै अनिश्चतकालीन यातायात बन्द
सुक्ष्म अनुसन्धान भइरहेको प्रहरीको दाबी
कञ्चनपुरको भीमदत्त नगरपालिकाकी १३ बर्षिया निर्मला पन्तको बलात्कारपछि हत्या गर्नेलाई पक्राउ नगरिएको भन्दै स्थानीयले अनिश्चतकालीन यातायात बन्द गरेका छन् ।
घटना भएको १३ दिन बितिसक्दा पनि बलात्कार र हत्यामा संलग्न पत्ता नलागेको भन्दै स्थानीयले भीमदत्त नगरपालिकामा अनिश्चतकालीन यातायात बन्द गरेका हुन् ।
प्रशासनले अनुसन्धानमा ढिलाइ गरेको आरोप लगाउँदै मातृ संगठनले आन्दोलनको नेतृत्व गरेको छ । संगठनले हत्यारा पत्ता नलागेसम्म यातायात बन्द जारी राख्ने चेतावनी दिएको छ ।
यता जिल्ला प्रहरी कार्यालय कञ्चनपुरले भने घटनाका विषयमा सुक्ष्म अनुसन्धान भइरहेको जनाएको छ । साउन १० गते साथीको घरमा पढ्न गएकी निर्मला भोलिपल्ट मृत अवस्थामा उखु घारीमा फेला परेकी थिइन् ।
प्रकाशित समय ०९:०७ बजे

















