सरकारले स्थापना गरेको कोरोनाभाइरस रोकथाम, नियन्त्रण तथा उपचार कोषमा एसियन लाइफ इन्स्योरेन्स कम्पनीले ३५ लाख रुपैयाँ सहयोग गरेको छ । कम्पनी, सञ्चालक समिति तथा सम्पूर्ण कर्मचारीका तर्फबाट सातवटै प्रदेश सरकारलाई एसियन लाइफले ५ लाखका दरले ३५ लाख रुपैयाँ सहयोग गरेको हो ।

१३औं वर्ष प्रवेशको अवसरमा संस्थागत सामाजिक उत्तरदायित्वअन्तर्गत सो सहयोग गरेको कम्पनीले जनाएको छ । कोरोनाभाइरस (कोभिड १९) को कारण विश्वव्यापी रुपमा उत्पन्न विषम परिस्थितिलाई मध्यनजर गर्दै यस रोगको संक्रमण फैलिन नदिन सरकारले २०७६ चैत ११ गतेदेखि लकडाउन घोषणा गरेको छ ।

प्रकाशित समय २०:१९ बजे